Vijesti CG
O ČIJEM TROŠKU BS GOSTUJE PO NJUJORKU?
Više ministara i poslanika iz iste stranke u SAD
Ministar vanjskih poslova (MVP) i predsjednik Bošnjačke stranke (BS) Ervin Ibrahimović u sklopu zvanične posjete SAD, i ministri i poslanici te partije koji borave tamo privatno, tradicionalno se pred Novu godinu u Njujorku sastaju sa dijasporom, koja čini značajan dio njihovih glasača i potencijalnih finansijera.
O čijem trošku dio ministara i funkcionera BS-a boravi u Njujorku, “Vijestima” juče nije odgovoreno iz svih resora kojima rukovode, kao ni iz Skupštine i Bošnjačke stranke (BS). Ibrahimović, ministar za dijasporu Mirsad Azemović, ministar rudarstva, nafte i gasa Admir Šahmanović i poslanice BS Kenana Strujić Harbić i Edina Dešić su najavljeni kao gosti na događaju “Otvorena tribina o domovini”, koju danas organizuju Islamska zajednica i kulturni centar “Plav-Gusinje” u Njujorku. Prema podacima sa sajta Vlade, jedino je za potpredsjednika Vlade i ministra vanjskih poslova Ervina Ibrahimovića aktuelna platforma, kojom je predviđeno da će boraviti u posjeti Sjedinjenim Američkim Državama (SAD) od 23. do 27. decembra 2024. godine. On je zvanično sam u delegaciji, a troškove njegovog puta snosi Ministarstvo vanjskih poslova. Zvanično vrijeme za posjetu SAD ministru za dijasporu Mirsadu Azemoviću je isteklo juče, s obzirom da je u zvaničnoj posjeti SAD bio od 15. do 23. decembra, pa će, kako je “Vijestima” potvrđeno iz Ministarstva dijaspore, o svome trošku produžiti boravak u Njujorku za jedan dan…
